** مـــن روائـــــع فـــلاح عــســــكر **
هذوله احنه العراقيين اهل نخوه اهل شيمه
صيح الله اكبر يا اله اشهد
صيح الله اكبر ها غلاة الكاع
صيح الله اكبر هذا راس انحد
العين العين الي ما تبحر بالنصر ترمد
الباب الي ما يشارك بالنصر ينسد
النار الي ما توج لاجل النصر تخمد
درب الحك وعر لو نكعد ونسكت لو بالدم يبعد الروح يتعبد
وقبل مندش لباب الدار نلكي سطور خطاها البطل على الحايط بعرضه
كاتب الي ميدافع عن ماله وارضه باجر ميدافع عن عرضه
وندش للدار وحشه الدار وحشه من البطل وحشه
حتى البلبل الي بالقفص ينشدني على الايد الي تعسه وتفتكد عشه
هاي هنا غرفته وكعدته ونومنه
وهاي الزاويه وعلاكه هدومه
وهاي اخر جكاره الي عافهه على الرف
وهاي اخر صور ويه اصدقاء الصف
وحشه الدار وحشه واسمع صوت يدعيلك
من تجبل بجازه نهارك وليلك
تغني القادسيه وانه اغنيلك
وناغيلك وناغيلك وناغيلك
وامسح شعرك التعبان بشليلي وفليلك
وشايع وشايع محله البريسم بشعرك تنعثر عود افليلك شفليلك
يبوك اليل من شعرك سواده وعينه تشجيلك
وها يبني وها يبني وها يبني
وها يبني الشجاع ايموت مره
وخبرك بالجبان ايموت مرات
هله بيومك جبين امك تكره
على ضهر المطبر والدك مات
مابين التفك ذبيت سره
ورضع من الكلاشنكوف رضعات
حر ابني وربى بحضان حره
وعلى اخمس بندقيته بهامه رصعات
يبيت المحبس ايخليه بضفره
وياهو الي يطلع المحبس البات
ويلي ينشد عليك اتجاوب امك
طبع بيه ولدي متصيح بسمك
وحك الوطن والمعبود والعود
ولدي رد العدو واربض على الحدود
ولدي الساتر الي ما مض بيه البارود
ولدي الي ما كالو بجلماته منكود
ولدي الي ما كالو عليه حجيه مردود
ولدي يشماغ نشمي وزند حاصود
ولدي العيط النخل يتشلبه صاعود
ولدي لو ردن عليه يوردهن ردود
ولمفتاح السلف يتفصل كعود
ولدي البيت المسوبع صار عامود
ولدي السالوفه والديوان معكود
السيف سبحه جسر وولدي الشاهود
ولدي ايحش ويزبر ذيج الحشود
ولدي حيد وميمشي اله ويه الحيود
شعر شعبي ولدي وميغيضه حاسود
وشعندك بعد يلي تنشد عليه
ولدي هذا ولدي برويحته ايجود
رد مع اقتباس
المشاركة الأصلية كتبت بواسطة الرسام$
