يسرنا ان نتقدم بأسمى ايات التهاني والتبريكات للعالمين العربي والاسلامي عامه والى اعضاء و رواد منتديات فنرتوب خاصه بمناسبه حلول شهر رمضان المبارك .. اعاده الله علينا وعليكم وعلى العراق بالخير واليمن والبركات وكل عام وانتم الى الله اقرب .. ادارة المنتدى

النتائج 1 إلى 10 من 10
  1. #1
    فنور صار عنده قصر
    This user has no status.
     

    تاريخ التسجيل

    06-09-09

    المشاركات

    7,202

    الجنس : الجنس

    الدولة

    IN HELL

    Thumbs Up/Down
    المحصل عليها: 0/0
    الممنوحة: 0/0

    افتراضي ابوذيات على الاسماء

    سلام عليكم

    على اسم كل شخص

    ابوذية


    وان شاء الله تعجبكم






    أحلام
    نخيل ابلادي من خدج .. بلح لام
    وجمالج ماكو ابد مثله .. بالا احلام
    رهيبة وقاتمة الدنية .. بلا احلام
    وبلايه اعيونهه الدنية رديه






    أحمد
    وحك رب العرش .. واحمد
    أشكر ربي انا كلساع .. واحمد
    لأن خالق الي مخصوص .. احمد
    حبيب وعاشك ومخلص اليه






    ارجوان
    بدنيتي الاجمل أجزم .. ارجواني
    رقية ولون خدهه .. ارجواني
    قسمتي اتصير هية .. أرجو آني
    واعيش اوياها قصة عاطفية






    أزهار
    الأمل خضر بعمري نمه .. وأزهر
    ودنياي اصبحت جنات .. وازهار
    أحلم جنت طول العمر .. بأزهار
    وهسة ازهار تغفة ابين ادية






    أسراء
    كلبج ما يحن مرة .. على اسراه
    وكلبي شوي تقدمينه .. عله اسراه
    لان حيل انتهه وذايب .. عله اسراء
    وكلب اسراء ابد ما حن عليه






    أسماء
    امنشوفن ظل بعض ظلهه .. ولأسماء
    أتيه كل معانيهه .. والاسماء
    حرت لا نار ملمسهه .. ولس ماء
    لا هيه وهم لا صدك هيه






    اشوق
    تعالي ارجوج ما نكدر ..عالاشواق
    انادي بصوتي وبكلبي .. على اشواق
    ذابت والخجل كله .. علة اشواق
    والاخديدات صارن مزهرية






    أصالة
    كلج ذوق يا حلوة .. واصالة
    يحلمي الدوم اتمنه .. وصاله
    يريت وننجمع آني .. واصالة
    أنه بحبهه ملك والتاج هيه






    افراح
    بدونج ميتم الدنية .. بلا افراح
    وفركنه الروح من بعدج .. بالف راح
    أموت ما أعيش آني .. بلا افراح
    لان هيةأفراح روح الروح هيه






    امال
    احبج مو لجل جاهج ..ولا مال
    لكن بيج شفت الحب .. والآمال
    كلبي وعقلي وي روحي .. ولآمال
    كل شعري وكلامي وكل بوذيه






    أمل
    حبيبة وصاحبة وهيه .. ام النه
    وهية بهالحياة تبقه .. أملنه
    أحن ابنية بالعالم .. أملنه
    وانه بطيبتهه أبد ما مر عليه






    أنسام
    أبد ما فرط بحبهه .. ولا انسام
    التعطر ابريحهه الدنية .. والانسام
    روحي وكل نبض كلبي .. والانسام
    كل حبي وحنين الشوك بيه






    أنوار
    كتلني الفاتن الساكن .. بالانوار
    واحس الدنية من دونه .. بلا انوار
    أعيش شلون كولولي .. بلا انوار
    واحس انوار مثل الروح بيه






    ايمان
    عله ايساري الحزن خله .. وعالايمان
    ورغم ظلمه الوكت اصبح .. علي مان
    وحق ربي الكلب ينبض .. على ايمان
    وبلا ايمان متظل روحي بية






    ايناس
    كلبي ايفور وايرفرف .. على ايناس
    وطير الشوك كل لحظة .. علي ناس
    كل شوية تتوافد .. علي ناس
    تريد انساهه لكن مو بديه






    باسم
    أطل رغم الهضايم .. باسم آنه
    وعلم عالصبر شامخ .. بالسمة آنه
    يالما تعرف انته .. باسم آنه
    آنه الصبري فاق ايوب ميه






    برهان
    رجاءاً عني لا تبعد .. يبرهان
    خناجر بالكلب بعدك .. وابرهان
    تريد اثبات من عندي .. وبرهان
    باوع حالي وشوف شصار بيه






    بشرى
    كتبته آنه اعله صدري .. وبش اسمهه
    وبدل ما بشرى اصبح .. بشة اسمهه
    تكلي منين بشة .. وبالشسمهه
    أووين التوجعك هدت عليه






    تبارك
    يسبحانه العلي الخالق .. تبارك
    أبدع حيل من صور .. تبارك
    أسمع روحي لكليبي .. تبارك
    لأنج يا تبارك صرتي اليه






    جيهان
    أروحن للسمة وارجع .. واجي هان
    أدعي الله باعز خلقه .. وجيهان
    بمحمد وبعلي اجمعني .. وجيهان
    لان جيهان كلبي وروحي هيه






    حبيبة
    شبيهه الخل لون يحضه .. بحبيبه
    الكلب مغروم وايهيم .. بحبيبه
    بيمن احلف بربي .. بحبيبه
    حبيبة الروح هية الهسة بيه






    حسن
    بطلن منه عوفنه .. حسن بس
    اليه وبس إلي يبقه .. حسن بس
    ما بي شين حط الله .. حسن بس
    وفي ما يوم مر ما مر عليه






    حسين
    مصايب فركته وبعده .. بلة حسين
    العمر لا ماله كل قيمة .. بلة حسين
    واذا ما صار قسمتنه .. بالاحسين
    انفط روحي واحركهه بديه






    حيدر
    ادنج وانحني اجلالا .. وحي دار
    بيهه اختلطت اشواكي .. وحيدر
    بجاه المصطفى الهادي .. وحيدر
    أريد امن الله حيدر يصفه اليه






    خالد
    تظل انت بكلبنه اتعيش .. خالد
    ولا عنك يزل فد يوم .. خالد
    كلبي لا تظن للنوم .. خالد
    وينبض الك صدك مو اليه







    دعاء
    لمحبتي ادعوج مخلص في .. دعائي
    ولجل يهديج الحن في .. دعائي
    رجاءا لا تصديني .. دعائي
    يالحبج سكن كل ذرة بيه






    راضي
    حبيبي هواي يزعل .. وآنه اراضي
    ويمر كالنهر بيه .. وأنه اراضي
    يقسه هواي ضدي .. وآنه راضي
    واحس راضي الكلب والروح بيه






    رجاء
    عندي اوياج يا حلوة .. رجاءين
    تحبيني وتخلصيلي .. رجاءاً
    لأن ماكو بالدنية .. رجاءين
    رجائي انتي ومناي وكلشي اليه






    رشا
    حلكهه ابوسة من عدهه .. رشانه
    ونفسهه باعبق اعطوره .. رشانه
    أرق محبوبة بالدنية .. رشانه
    بجمالج ما شفت والجاذبيه






    رويدة
    كولي لشوكج ايهدي .. رويدة
    وكلبي بشوك من حبكم .. روه ايدة
    اعز محبوبة بالدنية .. رويدة
    وبلياها الحياة تصعب عليه






    زهراء
    يجينة أموردةوتزهي .. يزهراء
    يأحلة ابنية بالدنية .. يزهراء
    بجاهج يالزكية انتي .. يزهراء
    ردت زهراء قسمة اتصير الية






    زينة
    جميلة معدلة حلوة .. وزينة
    واظن للدنية اهي البهرج .. وزينة
    الحياة بدونها وحشة .. وزينة
    طعم وعطر للدنية الهنية









    سارة
    عبيد احنة الج كلنه .. واسارة
    خطر دربج عرف كلبي .. وسارة
    اهيم وذايب بسارة .. وسارة
    منها تغار حته الحورهية






    سالم
    أغرب قصة قصتي آني .. وسالم
    وحلم ألمس اديه مرة .. واسالم
    يربي ايعودلي غانم .. وسالم
    واريد تحفظة من شر كل رديه






    سامي
    تظل مثل النجم عالي .. وسامي
    يالحبك فخر واصبح .. وسامي
    أعشكه واعشك اعيونه .. وسامي
    يتنفس محبتي ايموت بيه






    سحر
    وجهه بنور وبحسنه .. سحرنه
    نهار وليلنة بذكرج .. سحرنه
    ملاك وتاج كل حلوة .. سحرنه
    وتعيش بروحي والوجدان هيه






    سعد
    فرحنه اهواي بيكم .. وانسعدنه
    وترة التعذيب منكم .. وان سعدنه
    سعد عمري وحياتي .. وان سعدنه
    طلب روحي اقدمهه هدية






    سعيد
    دكافي ارجوك وارجعلي .. وبس عود
    بدونك بس جلد باقي .. وبس عود
    أهيم وغارك بحزني .. وابو سعود
    نايم بالعسل ما يدري بيه






    سلمان
    أنشد كلبي لو روحي .. وأسل من
    عنك وانته الامعدل .. وسلمان
    عيونك لو علي نظرن .. وسلمن
    أموت وأنحيي بهاي التحيه






    سماح
    سماح انتي كلب كلبي .. سماحي
    اجرحي اكليبي واضمنلج .. سماحي
    لجلج ما يظل بارض و .. سماحي
    وأموت الدنية اذا غثتج هيه



    سمارة
    السفن غركنن كلهه .. يم سمارة
    وتضيع البيض كلهه .. يم سمارة
    اريد بربي احلفج .. يم سمارة
    وحمتي ابيش من جبتيهه اليه






    شامل
    ملك كل الحسن هالزين .. شامل
    وتدمير الجمال البيه .. شامل
    رمت روحي بسهم يا ناس .. شامة ال
    غفت فوك الشفايف كصت بيه






    شهد
    أنا والشعر والعالم .. شهدنه
    أروع شاعرة الحلوة .. شهدنه
    اما تدرين بالفرحة .. شاهدنه
    يوم الشفنه شهد الشمريه






    شيماء
    امضيع جني من تبعد .. لشي ما
    واصيرن شي جمر يحرك .. لشي ماء
    كلبي والنبض كلة .. لشيماء
    لان هية الحياة بالنسبة اليه






    صادق
    غيرك لا تظن اهواى .. واصادق
    وعلى هذا الكلام ابصم واصادق
    أحب ثنين صح ، صادق .. وصادق
    وصادق سو ابد ما حاس بيه



    صالح
    يزعلني واروح آنه .. واصالح
    لأن حبنه نقي وطاهر .. وصالح
    أحب واهواه من كلبي .. وصالح
    يحبني وكلبه ذايب ذوب بيه






    صبا
    جميلة وبالجمال انتي .. صبا آية
    يتاج ومعتلي روس ال .. صباية
    يريت ايعود وايردلي .. صباية
    واعلمج كل أصول الجاهلية






    صفا
    جسمي عود من بعدج .. صفا بس
    درحميني ردت وصلج .. صفا بس
    اموت وانتي صدكيني .. صفا بس
    تلمسيني حياتي اترد اليه






    صفاء
    شعندي بدنيتي غيرج .. يصفواي
    يروحي وراحتي وسعدي .. يصفواي
    يبلسم جراحي اذا ضيمي .. يصف وي
    زماني وتتفق كلهه عليه






    طارق
    مشيت بكل طريق انته .. وطارق
    وبيبان المجد كل يوم .. طارق
    مضرب للمثل بالطيب .. طارق
    وفي ومابيك ذرة من الرديه






    طيبة
    يعطر العطر والعنبر .. وطيبه
    يحلوة ونازكة ووردة .. وطيبة
    اذا هالروح عافتني .. وطيبة
    لمس تلمسني روحي ترد اليه






    عادل
    أنه اشما قارنت بيهم .. واعادل
    أشوفه اجمل وأرق الناس .. عادل
    جميل وناضج وراقي .. وعادل
    وفوكاهن حنين ويوفي اليه






    عامر
    رغم وكته صعب جدا .. وعاه مر
    لكن كلبه بس بالخير .. عامر
    أموتن حيل باوصافه .. وعامر
    يحبني وكلبه ينبض بس اليه






    عذراء
    كلبج لو قسة اتحمل .. واعذرا
    لأنج باهرة وطاهر .. وعذراء
    اذا كلبي وكف نبضه .. وعذراء
    نظر تنظرلي نبضي ايرد اليه






    عطارد
    البخيل ال (للكريم) اهوه .. عطاه رد
    ورجاءاً لا ترديني .. عطارد
    كوكب بالسمة وعالي .. عطارد
    ومنج اقرب آني اشعر اليه






    علي
    اعوفه شلون واتكبر .. علي لا
    وروحي ابدونه احسنهه .. عليلا
    مثلم ماكو بالدنية .. علي لا
    وفي وكلك حنان وشوك اليه






    غالب
    علينه الشوك متسيد .. وغالب
    هم مغلوب انه بحبك .. وغالب
    ثمين هواي عدنه انته .. وغالي ابــ
    غلاة الروح لا واكثر اشويه






    فاتن
    بنات شكد شفت عدن .. وفاتن
    لكن منضرج يسحر .. وفاتن
    اذا جبنه الحسن كله .. وفاتن
    أكيد لفاتنتنه الأغلبيه






    فارس
    وفي ومتاكد بفارس .. وفاه رس
    غايض بالوفة العاذل .. وفارس
    اسم وعالمسمى صدك .. فارس
    أصيل ومرجلة وكله حميه






    فرح
    كلبي من سمع صوتج .. فرح بي
    وقبلج عمري ما شايف .. قرح بي
    احب الكون لن انتي .. فرح بي
    ومنيتي ابدنيتي اتصيرين اليه






    فرحان
    أنه بجيتك تره امسلطن .. وفرحان
    ومهجتي وروحي هم طربن .. وفرحان
    جنت باحزاني أنا غارك .. وفرحان
    اجاني ورجع الضحكات اليه






    قاسم
    أنه الما ظالم أحد .. قاسي مانه
    وكلبي لليودني .. قاسم آنه
    واذا ما سامع اسمع .. قاسم آنه
    انضربت بالسماحة امثال بيه









    كاظم
    لازم نفسي كوة الغيض .. كاظم
    امنشوفك تحجي ويه الغير .. كاظم
    يهزني بأغنية (مشتاك) .. كاظم
    واذا اسمعهه شوكي ايفيض بيه









    كريمة

    يل للكيك خدينج .. كريمه

    أصيلة وراكزة وطيبة .. وكريمة

    ورهيفة وزاهية اتخبل .. كريمة

    كريمة وبكرمهه حاتميه






    لينا

    أحبهه بقسوة العاشك .. ولينه

    لأن لينا جزء منه .. ولينه

    يوم المنى لو آني .. ولينا

    نهيم وننجمع بالحب سويه






    مالك

    مهرب من محبتي ، اتعيش .. مالك

    اشتاقك ولا فد يوم .. مالك

    تدري شكثر آني اهواك .. مالك

    بكبر هالكون ضربه بتسعميه






    مراد
    الجمال اختاركم لمن .. علم راد
    وعقلي اختاركم لمن .. علم راد
    وكلبي اختاركم لمن .. على امراد
    اذا مر اسمه نبضه ايزيد بيه






    مرام

    سهم واحد عليج آنه .. مرامي

    يلي احضانج وحبج .. مرامي

    مثلج ما شفت صدكي .. مرامي

    وأبد ما مرت اوصافج عليه






    مروة
    وحق الصفا البكمة .. ومروة
    فراكج ضيم لا حنظل .. وأمر وَ
    أحس الروح تتركني .. ومروة
    اذا ضحكتلي روحي ترد اليه






    مريم
    بعدج لا فرح بينه .. يمر يوم
    ويمج ماظن بعمري .. يمر يوم
    أموت بنظرة اعيونج .. يمريوم
    يمنة امن السمة واروع هديه






    مسعود
    يطك وايورد ان لامس ومس عود
    ويهنياله الحضة بحبه .. ومسعود
    اذا يوم الحزن مسني .. ومسعود
    الفض اسمه ميظل حسن بيه



    منى
    وصلج يا منى همنة .. منانه
    واهيم وذايب بحبج .. منانه
    أناطر راح وانتظرج .. منانة
    لآخر يوم وآخر نفس بيه






    ميثاق
    أسولف محد ايصدك .. وميثاق
    واكلهم حبنه يجمعنه .. وميثاق
    مثل روح وجسد صاير .. وميثاق
    واذا مسني الألم تبجيلي هيه






    ميعاد
    تحلل جسمي لترابه .. ومي عاد
    لأن خلفت عهد هيه .. وميعاد
    ورغم كل هذا اسامحهه .. وميعاد
    رزاياهه كرم منهه عليه






    نور
    راية وللجمال اتظل .. علم نور
    وكلبي غاية امراده .. علم نور
    اخذت اعمامي خطابة .. على ام نور
    حطو عينهم خطبوهه اليه






    نور
    وجهج نور يا حلوة .. على نور
    وبيت البيه صرتي انتي .. علاه نور
    كلبي ايطير وايرفرف .. على نور
    لأن نور الكلب والروح هيه






    هاجر

    وين تهاجر اني اغبش .. واهاجر

    لان ما اطيق اعيشن دون .. هاجر

    ها عتهه العشك والشوك .. ها جر

    عافت كلشي هاجر جتي اليه









    هادي
    الك هالروح واهبهه .. وهادي
    كلبك ربي الي اميسره .. وهادي
    جميلة هواي عشرتنه .. وهادي
    لأن هادي ملاك ايموت بيه






    هالة
    جمالج ضجة سوالي .. وهالة
    البعض عالراس جاب اتراب .. هالة
    سحرهه فعلاً ايجنن .. وهالة
    ملامح عدهه روعة وعالمية






    الهام
    عيونج مصدر اشعاري .. والالهام
    واعشكج من ثرى اجدامج .. الى الهام
    انا للالهام يا عالم .. والي الهام
    وأبد ما أنطي بيهه وتنطي بيه






    هبة
    الناس لربهه تنطيه .. وهبلهه
    ونطيت الروح وكليبي .. هبة الهه
    سحر سحرتنني صدكوني .. هبة الهه
    نظرة عين تحيي من المنيه






    هدى
    لدرب العشك بس حسنج .. هداني
    وسعد وافراح بس حضنج .. هداني
    أموت بنضرة اعيونج .. هدى آني
    يا أغلة وأعز انسانة اليه






    هند
    تحيي الموتة لو يمهم .. تمر هند
    حلوة هواي ما ظنها .. تمر هند
    خليط اعناب وافواكه .. تمر هند
    وطعم بشفافهه ايسكر البريه






    هيام
    يزيد بكل دقيقةالهه .. هيامي
    ملاك وبالحسن آيه .. هيامي
    حارو .. نار (هيومة) .. هيا مي
    ولاعرفو ثلج وي نار هيه






    هيام
    يزيد بكل دقيقة الهه .. هيامي
    ملاك وبالحسن آية .. هيامي
    حارو .. نار (هيومة) هيا مي
    ولا عرفو ثلج وي نار هيه






    هيفاء
    يريت البخت يجمعني .. وهيفاء
    رشيقة طول مزيونة .. وهيفاء
    أليسا اتروحلج فدوة .. وهيفاء
    واصالة ونانسي ودالي سوية






    وداد
    ابد متلوك خوية النه .. ودادة
    يل شما بيه كلبي الكم .. وداده
    وداد انتي ترة لكلبي .. وداده
    وانتي الروح وانتي النفس بيه






    وسام
    رقيق وعالية اخلاقه .. وسامي
    وجميل وتكتل اعيونه .. وسامي
    أسامي هواي مرتني .. واسامي
    وبس اسمك وسام اللعب بيه






    وهاب
    أخاف هواي من حسنه .. واهابه
    لان متفنن برسمه .. وهابه
    كلبي ايريد واينادي .. وهابه
    ووهاب هواي متكبر عليه



    هااااااااااا
    هاهية خلصت كافي
    ماكو بعد
    عندي ولا اسم




    ربمآ إستغلونِي كَثِيراً فَظنّوا ﭑننِي إنسَان (عَلى نيآتي )
    !لڳن لمْ يعلمَوا أنني“ سَمحت لـ / ھَذآ الإستغلآل لأننِي : أحببتهُم بِصدق

  2. #2
    فنور ينتظر فيزا
    This user has no status.
     

    تاريخ التسجيل

    06-03-10

    المشاركات

    228

    الجنس : الجنس

    الدولة

    iraq

    Thumbs Up/Down
    المحصل عليها: 0/0
    الممنوحة: 0/0

    افتراضي

    عاشت ايدك
    يسلموووووووووووووو
    "t""t""t"


  3. #3
    فنور وصل بالسلامة
    This user has no status.
     

    تاريخ التسجيل

    02-04-09

    المشاركات

    824

    العمر

    25

    الجنس : الجنس

    الدولة

    في عالم الاحلام

    Thumbs Up/Down
    المحصل عليها: 0/0
    الممنوحة: 0/0

    افتراضي

    رووووووووووووووووووووووووووووووووووووعة

    عشت ايدك صدك تحفة تجنن

    حيل حلوة ولو ملكيت اسمي بالنص بس مومشكلة :Dominant :

    تقيم

    وتثبت

    لروعتها


    تبكي عيون الورود الدامية
    فلا تملك سوى قصتها الحزينة وتنتظر متانية
    ان ياتي من ينشلها لتبتعد عن هذه الاحزان
    ولتنسى كل ما كان وتبتعد من كانت في هذه الدنيا معانية




  4. #4
    فنور وصل للمطار
    This user has no status.
     

    تاريخ التسجيل

    04-05-08

    المشاركات

    260

    العمر

    41

    الجنس : الجنس

    الدولة

    بغداد\المنصور

    Thumbs Up/Down
    المحصل عليها: 0/0
    الممنوحة: 0/0

    افتراضي

    والله تعبان بيهن عاشت ايدك ابو حسين
    بس اسمي ماكو انشاء الله بالمستقبل
    اني اسويله ابوذيه

    :car:نودعكم غصب يحباب مانكدرنودعكم
    يالشلتو ونسيتوالروح مهمومه بثكل حبكم
    عشكنه الناس كلها الناس والدنيا عل واهسكم

  5. #5
    فنور ينتظر الاقامة
    This user has no status.
     

    تاريخ التسجيل

    05-03-10

    المشاركات

    1,665

    الجنس : الجنس

    الدولة

    (بلد الحزن)

    Thumbs Up/Down
    المحصل عليها: 0/0
    الممنوحة: 0/0

    افتراضي

    مشكور
    مشكوررررررر"t""t"


  6. #6
    فنور صار عنده قصر
    This user has no status.
     

    تاريخ التسجيل

    06-09-09

    المشاركات

    7,202

    الجنس : الجنس

    الدولة

    IN HELL

    Thumbs Up/Down
    المحصل عليها: 0/0
    الممنوحة: 0/0

    افتراضي

    شششششششششششششكورين على التثبيت




    ربمآ إستغلونِي كَثِيراً فَظنّوا ﭑننِي إنسَان (عَلى نيآتي )
    !لڳن لمْ يعلمَوا أنني“ سَمحت لـ / ھَذآ الإستغلآل لأننِي : أحببتهُم بِصدق

  7. #7
    فنور صار عنده بزنز
    This user has no status.
     

    تاريخ التسجيل

    22-12-07

    المشاركات

    3,621

    العمر

    28

    الجنس : الجنس

    الدولة

    مشتاك بين ايده انحضن

    Thumbs Up/Down
    المحصل عليها: 0/0
    الممنوحة: 0/0

    افتراضي

    روعـه والله عاشت ايدك
    صديقي على هل الابداع
    همزين اسمي موجود: Laughed :
    ــــــــ


  8. #8
    فنور صار عنده قصر
    This user has no status.
     

    تاريخ التسجيل

    20-08-07

    المشاركات

    6,927

    العمر

    21

    الجنس : الجنس

    الدولة

    شـــــــــارع فلٍـــ

    Thumbs Up/Down
    المحصل عليها: 0/0
    الممنوحة: 0/0

    افتراضي

    اهىء اريد يوسف ماكو
    عاشت ايدك روعه
    واسمي موجود:Hopes::Hopes:


    :-j:-j


  9. #9
    فنور طلعتله جنسية
    This user has no status.
     

    تاريخ التسجيل

    03-05-10

    المشاركات

    4

    الجنس : الجنس

    Thumbs Up/Down
    المحصل عليها: 0/0
    الممنوحة: 0/0

    افتراضي

    شكرا ااااااااااااااااولو اسمي ماكو بس هم مشكوررررررررررررررررررر حاطلي حسين شكرا


  10. #10
    فنور ينتظر الاقامة
    هات وه دزيه‌و ديایگ ؛
    نه‌هات وه ئاشکرا
     
    الصورة الرمزية M.U.S.T.a.F.a
    تاريخ التسجيل

    20-10-07

    المشاركات

    2,023

    العمر

    19

    الجنس : الجنس

    الدولة

    اين ما يكون قدري

    Thumbs Up/Down
    المحصل عليها: 0/0
    الممنوحة: 0/0

    افتراضي

    ابو ذيات اقروهه...منكشختنا
    على نور وضحى وزينة....من كشختنا
    ومها ومروة ورشا وغادة...من أكشختنا
    وزهراء وتقى وبسمة وسمية

    شلوني بالتحوير : Laughed :


    ممنونين حٌب






    (( إلهي كفى بي عزاً أن أكون لك عبداً وكفى بي فخراً أن تكون لي رباً ))
    -------


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Join us
About us
Fnrtop is an Entertainment network includes an Entertainment with the most exclusive songs, posters and news directly from the artist himself. Fnrtop Fourms includes whole sections about all types of Photos, Computers technology, Graphic Design, Mobile, Technology, Arts, Science, Education, Literary & Culture, Sports, Family and Religions that's why Fnrtop is the #1 Entertainment Network in the middle east. Fnrtop has many services for web owners. Such as web design, web hosting plans and web programing. And very soon Fnrtop will have its own Cinema in which you can see your favorite movies (Eastern and Western) online with high definition streaming.

الساعه حسب التوقيت المحلي لمدينه بغداد الحبيبه و ضواحيها