نرحب بكافة اعضائنا و زوارنا الكرام في منتديات فنرتوب الترفيهيه ونتمنى لهم قضاء اسعد الاوقات .. أدارة المنتدى

النتائج 1 إلى 7 من 7
  1. #1
    فنور لازم يراجع نفسه
    This user has no status.
     

    تاريخ التسجيل
    06-05-08
    المشاركات
    447

    الجنس : الجنس

    الدولة
    (( My Own kingdoom ))

    السادس العلمي خبرة وفوائد ونصائح ( ارجو التثبيت لتعم الفائدة)

    السلام عليكم ورحمة الله وبركاته
    شلونكم فنرية وفنورات؟؟
    شخباركم؟؟؟
    عساكم بخير انشالله

    الموضوع هو لكل طالب هسه حيصير بالسادس الاعدادي حتى لو سنة اللخ او اللي بعدهه
    المهم هيه نصائح وطرق تفيد اللي يريد يحقق النجاح والتفوق بالسادس الاعدادي
    طبعا الحظ تره موجود بالسادس بس نسبته قليله مو كلش القراية هم تأثر
    واكو شي لازم تؤمنون بيه
    اللي هو القدر والقسمه والنصيب
    هسه تكولون شنو هو زواج
    لا عيني حته بالسادس اكو قسمة ونصيب شفتو هسه بهالسنة 2008-2009 شصاربينه؟
    المهم نبدي الموضوع وانشالله يفيد الجميع واللي عنده نصيحة خلي ينزلهه ويفيد اخوانه الي حيصيرون بالسادس
    والي ما عدهم معرفه بسوالف السادس
    طبعا اني موضوعي حول العلمي مو الادبي لان اني علمي مو ادبي بالنسبة للادبي يا ريت
    اللي يعرف طريقة حلوة وينزلهه بموضوع مرتب
    ملاحظة : هذا الموضوع عام واني ما اعتبرت الطلاب ماخذين خصوصي يعني خليت الخصوصي
    شي احتياط لان مو دائما المدرس الخصوصي يفيد اكو طلاب دخلوا طبية بدون مدرس

    قبل ما ابدي لا تنسه اهم شي الالتزام بهذا الجدول وهذي الطريقة

    عطلة الخامس عله السادس :
    لازم تستغلون هذي العطلة بس بدون ضغط زايد لان تره الضغط ما بيه فايده
    ويأذيكم يعني اقره عله كد استيعابك وقدرتك ولتكول
    لا لازم ادك دك موطبيعي ميفيدك تره اقره حسب قدراتك لان اكو ناس
    واخذوهه نصيحه مني ومن كل الطلاب اللي عايدين سادس والي مروا بهلتجربة
    احيانا القراية الزايدة تسببلك صدمة قوية اذا ما اجاك المعدل اللي تريده
    لان تكوم تكول اني قريت هوايه لازم اجيب معدل عالي
    لا موشرط هيه انته واللي الله كاتبلكيا
    طبعا ابدوا اقروا المواد الحفظ لان صعب تحفظون مضبوط باليومي وخاصة مو كل الطلاب عدهم قابلية
    حفظ سريعه
    المواد الحفظ :

    - الادب
    - الاحياء
    - الاسلامية والقران
    - merchant of venice
    - قطع كتاب الانكليزي

    ( طبعا انته لو معفي بالخامس راح ترتاح حيل حيل بالسادس لان العطلة حتصير 4 اشهر وعند رمضان وورا عيد ومحد
    يداوم اله وره العيد)
    هاي المواد تاخذ وقت بالحفظ لان مو الدرخ يختلف عن الفهم
    عدكم المواد الرياضيات والفيزياء والكيمياء والقواعد بسرعه تنفهم لان مواد فهم ومسائل
    وتكدرون تعتمدون بقرايتها عله المدرسين بالدوام او الملازم او اذا يعجبك وتريد تحط مدرسين خصوصي
    (طبعا راح نكتبلكم منو احسن المدرسين)
    اذا كملت المواد الحفظ ( الدرخية) ابدي بالمواد التالية :
    هذي المواد تقريبا اقوى شي وينرادلهه وقت وجهد ولهذا اقراها هسه مو بعدين
    بس اهم شي قبلها تكون كملت الدرخيات

    - التفاضل والتكامل ( الرياضيات)
    - الفصلين الرابع والخامس ( الفيزياء)
    - العضوية والكحولات والاهم منها واللي اجتي اسئلة 2009 اغلبيتها منها هو الفصل الثالث الph
    - القواعد مال اللغه العربية وقواعد الانكليزي

    انته بس كمل هذي المواد واذا بقالك من العطلة مجال ارتاح وريح بالك
    واذا ملحكت تكمل هذي المواد فمو مشكلة اهم شي الدرخيات
    وراها شد حيلك من بداية الدوام ولا تتهاون وانسه النت والطوبة بس مو فدمرة يعني مثلا اذا ما عندك امتحان وما عندك اي شي
    وصار مثلا عطلة مثل نهاية الاسبوع حاول تكعد شوية عله النت او تمارس هوايتك المفضلة اذا كانت طوبة او غيرها
    ولتخلي شي يفوتك ابدا يعني لتغلس عله شي
    (بلنسبة لجماعه الفرنسي واللغات اقصد مدارس المتميزين , كلية بغداد , غيرها
    حاولوا تضبطون كلشي محاورات وقواعد ومرادفات بلملزمة )
    وراها تجيك اسبوعين عطلة نص السنة
    طبعا ما اوصيك حاول تجيب اعلى الدرجات بالفصول وبنص السنة
    المهم
    تجيك العطلة
    قسمهه كالاتي :

    الاسبوع الاول :
    كل درس بيوم يعني 7 دروس ب 7 ايام بهذا اليوم تعيد اللي اخذته بالدوام لحد الان ( الى حد نص السنة )
    وتقراه كانه عندك امتحان ثاني يوم
    يعني كانه دتمتحن نص السنة من جديد وصلح بهالاسبوع كل اخطائك الي وكعت بيهه بامتحانات نص السنة
    ولتخاف اذا طلعت عندك اغلاط هوايه تره الدنيا مخلصت يعني بنهايه كل يوم من هالايام امتحن نفسك باسئلة نص السنة
    وحاول تجاوب عليها وتستفيد من اخطائك
    وراها
    راح يجيك الاسبوع الثاني مال عطلة
    (السالفه شوية بيهه تعب ميخالف هذا مستقبل اتعب شوية )

    الاسبوع الثاني :
    عيد نفس جدول القراية مال اسبوع الاول بس اقره هلمرة فصل جديد من كل مادة يعني
    مثلا اذا انتو وصلتوا بلكيميا لحد الفصل الرابع مداخل بنص السنة ف انته بلسبوع الثاني تقره الفصل الرابع
    يعني تقره فوك المادة اللي انته ضبطتهه بالاسبوع الاول فصل واحد جديد حته لتتعب
    ونفش السي اقصد نفس الشي
    كمل وحل اسئلة الفصل وحل اسئلة الملزمة وابدا لتحل وزاري قديم لان التربية الطايح حظهه اصلا ميريدون
    يعيدون نظام الاسئلة مال تسعينات او اي اسئلة لحد 2003 حسب كلام مدير عام مديرية التقويم والامتحانات
    لان يكولون نظام تعبان
    (علساس شلونكم هسه انتو مو البلد خرب من وره نظامكم التربوي الجديد )
    (عوفكم من الشعارات مالتي اني شوي ضايج منهم كمل قراية)

    هسه خلص الاسبوع الثاني
    ــ( لتكول حرامات كضيتهه قرايه لان هذا مستقبلك )ــ
    المهم
    وره متكمل العطلة
    راح تشوف نفسك ضبطت المواد الي امتحنت بيهه بنص السنة وتشوف نفسك تعلمت شلون تقره صح
    وراح تساعدك قراية الاسبوع الثاني انه تضبط المواد مال النصف الدراسي الثاني
    وراها كمل قرايتك وحاول تضبط المواد بالدوام
    وتحذير هام هام هام جدا :
    احنه وغيرنه من اللي مروا بتجربة السادس يعرفوهه
    لا تكعد قبل متضبط المواد كلها يعني اضبط كلشي ووراها اكعد
    خلص الفصول المهمة بالدوام واكعد وراها حته اذا عندك شي تسال المدرس ومو تكعد
    وتتورط وتكول عندي مدرس خصوصي
    ولاتكول هذا شي اعرفه او ضابطه اقره عله اساس انته كلشي مضابط

    هسه وصلنا لنهاية الدوام
    اذا تكدر (واكو بعض المدارس بيهه هاي الشغله) امتحن امحانات شاملة حته تختبر
    نفسك وتتاكد وتستفاد من اخطائك حته تكدر تصححهه بالمراجعة الشاملة او ما يسمى بال 70 يوم

    وهسه وصلنا للمراجعة الشاملة
    طبعا احتمال الامتحانات تتقدم او تتاخر واحتمال بعض المدارس ميكعدون اله تصير فارق بين الامتحانات
    وبين الكعده 40 يوم( شسويلهم)
    المهم
    اني حنطيك جدول حلو ومرتب لمراجعة شاملة
    واني حعتبر كدامك شهرين يعني 60 يوم
    وبعد انته بكيفك تزيد او تنقص
    المهم اني الي عليه انزل الشي الي يفيدك
    طبعا الجدول حتشوفو صعب بس هذا الجدول راح يصير كلش سهل عليك اذا قريت مثل ما كتلك سابقا
    ( الجدول بكيفكم انتو تغيروا لان اني نزلت
    هذا الموضوع للنصيحة مو فرض واجب عليكم )
    (انتو سوو تعديلات بكيفكم )

    جدول المراجعة الشاملة للسادس العلمي ( مقترح)

    التربية الاسلامية

    القران الكريم 4 ايام
    (3 ايام الشرح ويوم ايات الحفظ )

    الاسلامية 6 ايام
    ( 2 يوم للاحاديث و4 ايام للمباحث )


    اللغة العربية

    الادب 4 ايام

    القواعد 4 أيام


    الانكليزي

    الmerchant يكفي يوم واحد

    الكتاب 5 ايام

    الفرنسي
    ( للمتميزين) كل الكتاب او الملزمة 4 ايام فقط


    الرياضيات 8ايام

    الاحياء 9 ايام
    ( لان عدكم رسوم وسوالف الوراثة )


    الفيزياء 10 ايام


    الكيمياء 9 ايام


    مجموع الايام 64 يوم واللي يزود عنده خلي يسوي جدول مراجعه ثاني وهاهيه

    ديربالكم من هالاشياء بالامتحانات :
    1- لا ترتبك ولا تخاف ولا تسمع حجي اي احد تره محد يربك الطالب غير جماعته
    2- اذا شفت سره مال تأجيل لا تهتم بلعكس كول لنفسك هذوله ميفتهمون اصلا(مع احترامي للي أجلوا )
    3- راجع بس بدون خوف تره كلشي ميحتاج لا خوف ولا شي عاااااااادي كانه امتحان عادي
    4- سمي بسم الله قبل متستلم الاسئلة و حل السهل وبعدين تفرغ للصعب
    5- اذا نسيت شي اقره سور قرانية والله يوفقك
    6- لا تغلس عله اي شي لان هذا مصيرك ومستقبلك اني احذرك بس بنفس الوقت اخذ
    الامور بطبيعيه
    7-لا تقرا مرشحات ونصيحة مني اخذه لان تركيزك حيتشتت عله الجديد من المواد
    8- لا تسمع حجي اي واحد يكلك هذا مهم وهذا مو مهم الكتاب كله مهم لا تكولي غير شي

    واخر شي الله يوفقك وخلي الله بين عيونك وتذكر انه انته عليك مسؤلية نفسك اذا نجحت واذا فشلت
    ومحد حيستفاد غيرك وهسه مستقبلك بيدك انته تقرر شيصير ميصير طبعا بعد الاتكال عله الله سبحانه وتعالى

    تحياتي للجميع
    هذا الموضوع الكم ومجرد نصائح وبس يعني انتو الكم مطلق الحرية بانه تغيرون بيه اي شي واللي يتوافق ويه
    طريقة قرايتك


    التعديل الأخير تم بواسطة غيث نزار هشام ; 16-08-2009 الساعة 02:42 PM سبب آخر: ترتيبات

  2. #2
    فنور ينتظر فيزا
    This user has no status.
     

    تاريخ التسجيل
    12-08-09
    المشاركات
    115

    الجنس : الجنس

    الدولة
    قـٍـٍـٍـٍـٍلب إ‘مــٍـٍـٍـٍـٍي

    افتراضي

    موضوع رآآئع

    سَِلمـت الايـآآآآدي

    تحـيآآتي

    خـسـَِروكـَ وكَ يـآكَلب ,, خسروكَ لاتحتركَ

    دور ع ـلىآ اهـل آلـوفــ\ـه ,, الـدنيـآ بيهـآ بعـد من تخلـَِِهـ موتنطبكـَ

    مودربكَ الـ بـي مشوٍ ,, لاتمـر عليهــَِم بعـد ولبابهـَِم لاتـ\ـدكَ

    ياكَلبـي إ‘ريدكـَ قويـ ,, يآكَلبي ذولــَِ\ـه إ‘نتهــوٍ

    مآتلكَه عدهـم صدكَ ,, لاتظـن بيهــَِم رجـَِه

    رآآآآآدوكَ بآب وخلص !! بأيـ وكَت تنطبكَ ,,

    إ‘نـســَِآهـ\ـَِمـ يـ‘ـآكًلبـ]ـي آلـ\ـوفـــي ,, :Sad :

    ^.^
    إ‘تعـبنـ\ـي غـروريــ ,, ! :coffee:

  3. #3
    فنور وصل للمطار
    This user has no status.
     

    تاريخ التسجيل
    24-03-09
    المشاركات
    334
    العمر
    20

    الجنس : الجنس

    الدولة
    بصف أبو تعمه

    افتراضي

    نصائح حلووووه
    و تدري استفادت من هاي شغله مال قراية بعطلة نص السنه
    ابد مخطرت بالي هاااي الفكره
    شكرااااااااااا الك يا ورده
    تحياااااااااااتي


  4. #4
    فنور لازم يراجع نفسه
    This user has no status.
     

    تاريخ التسجيل
    06-05-08
    المشاركات
    447

    الجنس : الجنس

    الدولة
    (( My Own kingdoom ))

    افتراضي

    شكرا عله المرور نورتوني


  5. #5
    فنور طلعتله جنسية
    This user has no status.
     

    تاريخ التسجيل
    10-08-09
    المشاركات
    46

    الجنس : الجنس

    الدولة
    التــميــمي

    افتراضي

    نصائح مفيدة لطلاب السادس عاشت ايدك وردة


  6. #6
    نصف القمــر
    This user has no status.
     

    تاريخ التسجيل
    24-07-07
    المشاركات
    6,239
    العمر
    22

    الجنس : الجنس

    الدولة
    THERE

    افتراضي

    حلـــــو خوش نصائح
    وتره السادس سهـل بس يرادله مجهود مضاعف وقرايه هوايه
    ونصيحه كعدوا اخر رحله حتى تاخذون راحتكم : Laughed :


  7. #7
    أجــازه مــرضــيــة
    This user has no status.
     
    الصورة الرمزية Ameer R. Al-khazraji
    تاريخ التسجيل
    10-11-07
    المشاركات
    5,667
    العمر
    22

    الجنس : الجنس

    الدولة
    New Baghdad

    افتراضي

    ثانكس وردة

    عاشت الايادي




    لعد فد يوم اموري جان هنا ~

    aMoRie WaS HeRe ~



    8->

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Join us
About us
Fnrtop is an Entertainment network includes an Entertainment with the most exclusive songs, posters and news directly from the artist himself. Fnrtop Fourms includes whole sections about all types of Photos, Computers technology, Graphic Design, Mobile, Technology, Arts, Science, Education, Literary & Culture, Sports, Family and Religions that's why Fnrtop is the #1 Entertainment Network in the middle east. Fnrtop has many services for web owners. Such as web design, web hosting plans and web programing. And very soon Fnrtop will have its own Cinema in which you can see your favorite movies (Eastern and Western) online with high definition streaming.

الساعه حسب التوقيت المحلي لمدينه بغداد الحبيبه و ضواحيها