ابوذيات عتاب وغزل
خدودك يا ترف من وردة حمرة
و شفايف كالعسل من غير حمرة
بس وياي تنطي العين حمرة
و ارق من النسيم وية البقية
****************
أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
كمت صليت من غــصبن عليه
****************
أبعز نومي إجى طيفك وعاني
أنا وشكثر أتحملت منك وعاني
إجيتك أومعتني إبدارك وعاني
ولامــره إجـــيت انـــــته عليه
*************
أبد مازلزلك حالي وهدك
عفاه اشيحمل الكلفه وهدك
قصدي بس اصيدنك وهدك
واريد اتصير حر وترد إليه
***************
المصايب بس على روحي تلافت
يكلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه
مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية
**************
أتلعثم من أشوفــــــــن وسطك أنا
أومنهوالوشوش بذانك واسطك أنا
تكلي ويــنك أنتــــــــه وسطك أنا
تــدور بــالنـبـض تـعـــــثر عليه
************
|
|
||
Get the Flash Player to see this player.
|
رد مع اقتباس
