نصيحتكم

[طركاعـه]

والله عيوني من وجهة نظري اني

ان الرجال هيج هوايه بيهم انهم مايحجوون

يعني شي طبيعي لا تتضايقيين .. وعلى راي الاعضاء هذا زوااج مو لعب



والله يوفقج عيوني

دعواتي اللللللج

[نـــونة]

اقتباس: المشاركة الأصلية كتبت بواسطة شاء القدر     السلام عليكم ورحمة الله .. قبل كلش افهمي امور كلش مهمه من الممكن انه قد فاهمته مو مهمه او بعض الاحيان يجوز تعتقدين انها مجرد لمور تنحل بعدين .. الشغله هي انت بنيه والبنيه من حقه تطلب من الولد شما تريد لانه هي مقبله على حالة الخطوبه الي هي انتقال لمرحلة حساسه جدا ً بالحياة هي الزواج واحنه لو نلاحظ راح نشوف انه الزواج اله شروط واله اهمية قبل التعارف واني اريد احجي وياج بواقعيه و جديه بالموضوع .. يعني انت مقدمة على شي اسمه زواج تقليدي يعني زواج متعارف عليه العوائل والمتعارف عليه العشاير مالتنه تصورين ينجح اذا حجيتي ويا بالنت ؟ تصورين انه كل اموركم الي تتعلق بمسؤوليتكم راح من خلاله تلكي بالنت شي اكيد يصير ملل عدكم وماكو سالفه لانه انتو مفتقدين لشي مهمه وهو وجها ً لوجه .. يعني وان كان هو عايش باوربا وان كان المسافه بعيده لازم يفهم الامور مو من منضورها الصعب انه ميكدر يطلع من اوربا او يجي يشوفج وانما يباوعه انه وجها ً لوجه تصير منظور التعارف والامور احسن واكثر ترتيبا ً بالاضافه الى انه تنتهين من خاصية الملل الي تكون وراح تعرفين انه ينتهي كل انوع الخوف الارتباك بين الطرفين الي قد تكون مهمه بينكم فاني نصيحتي كالاتي انه لو يجي لسوريا لو يجي للعراق يم اهله ويصير التعارف بين الاهل الولد واهلج انتي كبنيه ويكون بحضوره هو فقط وبعدين تجتمعين انتي ويا تتفاهيمن ويا بامور معينه ومهمه بالحياة اعرف انه هذا زاوج من بعد الخطوبه مو تعارف وبس بينكم !!!.. شغلة اخرى مهمه جدا ً وهيه انه شلون تكدرين تتواصلين ويه شخص قد يدخل حياتج ويكون مستقبله وياج عن طريق النت !!!! تره شي صعب كلش وشي ممعقول يعني مو اهل الولد اتقدمو عليج حتى يخطبوج لابنهم علمود بس ينطوكم نت وتكعدون تتناقشون بيناتكم بامور عن طريق النت صيري شويه جديه بالموضوع وصيري شويه مهمه لدرجة انه تبحثين عن الامور من منظوراها المعتاد ومن من مظورها الي نعرفه .. لاتكولين ميكدر ومادري شنو مثل ما هو ميكدر يجي للعراق انتي همين ما تكدرين تسولفين ويا وتكونين علاقة تعارف ويه الشخص الي راح تزوجي بالنت .. فهمي اهلج بالبدايه واهل الولد انه شرطج الاول للتعارف انه يجي للعراق علمود يصير التعارف بوجود الاهلكم .. وخلي اهلج يكونون جديه اكثر بالموضوع .. النت ما اشوفه الوسيله المهمه للتواصل بينكم على الخطبه والمقابله وجها ً لوجه هو الح الامثل بالموضوع .. وهاي نصيحتي بموضوعج وهذا ردي على موضوعج واتمنى تكونين فاهمه امور الحياة لدرجة انه تاخذيه بجديه دائما احترامي وتقديري الج واتمنى ان تنحل مشكلتج

اقتباس: المشاركة الأصلية كتبت بواسطة hagy ev!l     هلاوو نونة موضوع الزواج حساس كولش مو لعب جهال يعني مال تحجين وياه بنت مو شي كافي حتة تعرفينة للولد لازم يجي للعراق و تتعرفون على بعض وجها لوجه لان النت مابي ردت فعل من جميع الاطراف يجوز من يجي تغيرين وجهة نضرج بي للولد لان اكو نوبات تعابير من الوحه او ردت فعل من الجسم تبينلج هواي شغلات اوكي انتي حجيتي وياه عل نت عرفتي جم شغلة بس من تحجين وجها لوجه اكو احاسيس من العين من تعابير الوجه راح تخليكم تاتلفون سوية او مترهم الشغلة و تتعاوفون اتمنالج الموفقية

اقتباس: المشاركة الأصلية كتبت بواسطة بزونه هستوهه طالعه من عركه     حقج مدام انتو بهيجي عمر ميفديكم النت تتعرفون ابد... بنظري النت وسيله فاشله علمود تحددين او تتعرفين تعارف جدي ع شخص معين try to see him face 2 face

اقتباس: المشاركة الأصلية كتبت بواسطة طركاعـه     والله عيوني من وجهة نظري اني ان الرجال هيج هوايه بيهم انهم مايحجوون يعني شي طبيعي لا تتضايقيين .. وعلى راي الاعضاء هذا زوااج مو لعب والله يوفقج عيوني دعواتي اللللللج :prayer :

طبعا اشكركم كلكم على نصايحكم المفيده
وكلامكم هو الصحيح
الزواج اكبر من ان يكون تعارفنا على النت وبس
ومن كتله يجي للعراق كال مايكدر
البارحة صار بيناتنا خلاف يكلي انتي متفهميني من اضوج
كتله شلون اعرف وهو نت يعني لا اعرف من صوتك ولا اشوف تعابير وجهك

واتفقنا انو ماكو تفاهم بيناتنا ومانكدر نكمل بهذه الطريقه
يمكن ضوجتني هاي السالفهه بس اكيد هيه احسن اليه
ومشكورين مرة ثانيه على تعاونكم
ربي مايحرمني منكم

[E S C A D A’]

هلو حبيبتي
هذه مشكلته خجول
والولد مو لازم يكون خجول
وانتي اذا تريديه
احجي وياه
انت شمخلص
اشتشتغل
مو معناتهه اذا يضل هوه ساكت انتي هم اتسكتين
احجي وياه
وشوفي يحجي يجامل
اذا استمر الوضع هيجي
بعد لتحجين وياه
واصرفي نضر عالموضوع
ويروح واحد يجون عشره
وبالتوفيق حبيبتي

[W!nG{●}HεAven]

منو كلج هذا مديجذب عليج ؟

منو كلج مجاي يبيع براسج ثكل ؟

أكو واحد يتعرف ويتزوج بسبوع ؟

يعني ما أدري أنتو شلون تفكرون
مو أكو تلفونات ؟
هو لو الولد مريض وميعرف شنو يحجي
يعني بي توحد
لو أنتي مدتعرفين تخلي يحجي الي بكلبة

وهمين أنتي بالعراق وهو بدولة أوربيه
اي كلش زين موفقين ان شاء الله


أنتي مو تريدين نصيحة ؟

آني أكولج حسبيهة عدل قبل لتقبلين بالولد
لآنو شين التعرفة أحسن من الزين الماتعرفة
مو ؟

[نـــونة]

اقتباس: المشاركة الأصلية كتبت بواسطة w!ng{●}hεaven     منو كلج هذا مديجذب عليج ؟ منو كلج مجاي يبيع براسج ثكل ؟ أكو واحد يتعرف ويتزوج بسبوع ؟ يعني ما أدري أنتو شلون تفكرون مو أكو تلفونات ؟ هو لو الولد مريض وميعرف شنو يحجي يعني بي توحد لو أنتي مدتعرفين تخلي يحجي الي بكلبة وهمين أنتي بالعراق وهو بدولة أوربيه اي كلش زين موفقين ان شاء الله أنتي مو تريدين نصيحة ؟ آني أكولج حسبيهة عدل قبل لتقبلين بالولد لآنو شين التعرفة أحسن من الزين الماتعرفة مو ؟

اي عيني هواني حسبتها عدل وشفته مو مناسب اليه
يعني لجم دوب نضل نحجي على النت وهو ساكت اصلا

[W!nG{●}HεAven]

عاشت أيدج

[حمودي الكركوكي]

مرحبا اول شي
النت مو عامل اساسي حتى تتعرفين على شخصيه الولد كامله
وثاني شي انتو بعدلكم بس شهر متعرفين يعني اكيد هم اشويه بعدكم تستحون
واني اكول انتو طبعا راح تضوجون من النت احسن شي هو المقابله وجها لوجه ياله ذاك الوكت تكدرين تتعرفين على شخصيه الولد
وتقبلي مروري

[صقر المدائن]

والله خيتي اني قريت قصتج وعندي نصيحة وحدة لحضرتج .

انتي تكولين اني مقتنعة بالولد لان بي شغلات اني جنت رايدتها.. اذا سالفة التعارف هاي لو تعوفيها لبعد الزواج احسن لان اريد احجيها الج على كولتنا العراقيين طك بطك .. لو ترجعين للولد وتجلبين بي هوايه احسن لان هو هسه وين اكو زواج دشوفي البنات ماشاءالله عليهم مثل الورد وضالات ينتضرن رحمة الله .
اتوكلي على الله وارجعيلة ولتضلين توهوسين .
تحياتي